ئەرا دوویەم رووژ لەشوون یەک.. داوەزین نرخ دۆلار لە بەغداد و کوردستان
2021-01-03T09:03:49+00:00
شەفەق نیوز/ ئمڕوو یەکشەممە ٣ کانون دوویەم ٢٠٢١ ، نرخ دۆلار لە بازاڕەگان بەغداد وهەرێم کوردستان داوەزیا.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٤٠٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە هەمیش خود نرخەگە تۆمار کرد.
دوێەکە شەممە، نرخ دۆلار لە بۆڕسەی کیفاح رەسیە ١٤٤٣٠٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد هەمیش داوەزیا
ک نرخ فرووشتن رەسیە ١٤٥٠٠٠ دینار عراقی، ونرخ سەنین رەسیە ١٤٣٠٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش داوەوین وەخوەی دی ک نرخ فرووشتن رەسیە ١٤٤٣٠٠ دینار وەرانوەر ١٠٠ دۆلار، و سەنین بویە ١٤٤٠٠٠ دینار وەرانوەر ١٠٠ دۆلار ئەمریکی.
