ئەرا دوو رووژ واران تونیگ روی لە عراق کەێد "تونترینە لەماوەی 20 ساڵ".
کەشناس عراقی عەلی جابر زیادی وە ئاژانس شەفەق نیوز وت، وڵاتەگە لە ساعەتەیل سەرەتای سوو دووشەممە، کەمە کەمە کەفێدە وەر کاریگەری لە ئیوارەگەی قویلەو بوود وە واران وارین وە چالاکی بەرزیگ رەسێدە واران وارین ناوڕاس تا بەرزیگ، وتیش ئێ داوەزینە وە تونترین داوەزین واران دانرێد لەی وەرزە چوینکە وەشیوەی فراوانیگ گرێدەو و کە وە دەگمەن دانرێد لە دیر وەخت وەهار لە ساڵ 2004ەو روی نەیاس.
وتیش،لە شەوەکی و نیمەڕووی سێشەممە رەسێدە لویتکە، تا شەوەکی چوارشەممە وەردەوام بوود، ئاشکەرایکرد گشت شارەیل باشوور و باکوور گرێدەو وەرد بڕیگ لە شارەیل ناوڕاس کەفێدە ژیر واران وارین رفتیگ.
زیادی هووشداری دا لە تونی واران وارین وەرد تەگر خەسیگ و بەڵاچە، وە تایبەت لە شارەیل باشوور و خوەرهەڵات، هەوەجە کەێد رووژ سێشەممە بکرێدە پشوو لەوەر مەزەنەیل نقومبوین شوینە نزمەیل و ریەیل.
