ئەرا دویەم مانگە... عراق هالە ئاست سێیەم لە لیست فرەترین بسینەیل مولک لە تورکیا

شەفەق نیوز/ دەستەی ئامار تورکیا، ئمروو چوارشەممە، راگەیان عراقیەیلە دوو مانگە وەبان یەک ها لە پلەی سێیەم  لە سەنین ماڵ لە دویای روسیا لە تورکیا لە ماوەی مانگ ئایار گوزەشتە. 

لە راپۆرتیگ دەزگاگە ک ئاژانس شەفەق نیوز ئەڵگەردانی کردیە ئۊشێد؛ " فرووشتن ماڵ لە تورکیا ئەرا بیانیەێلە وە رێژەی 235.7٪ بەرزەو بویە لە مانگ ئایار گوزەشتە،  وە بەراورد هەمان مانگ لە پارساڵ ک رەسیە 5 هەزار و و962 ماڵ، ئەستەنبوول فرەترین بەش وەپی کەفتیە لە فرووشتن ماڵ وە بیانیەگان رەسیە دوو هەزار و451 ماڵ، ئانتالیا لە دوییەم پلە تیەێد وە 885 ماڵ ، و لە دویایی مرسین وە 254 ماڵ. 

وتیش؛ " تورکیا لە ماوەی پەنج مانگ یەکەم ئمساڵ  26 هەزار و و753 ماڵ وە بیانیەیل فرووشتیە، و رێژەی  بەرزەوبوی رەسیە 70٪. 

دیاری کرد، رووسیەیل هانە بان گشت وڵاتەیل لە سەنین ماڵ لە تورکیا لە ماوەی مانگ ئایار وە 1275 ماڵ، ئیران وە پلەی دویەم تیەێد 736 ماڵ سەنینە، و عراق وە پلەی سێیەم تیەێد وە 617 ، ئەڵمانیا چوارەم وە 247 ماڵ و ئۆکرانیا پەنجەم وە 241 ماڵ. 

عراقیەیل لە ساڵ 2015لە لوتکەی  لیست ماڵ سەنین بوین  لە تورکیا، باوجی لە ساڵ2021 لە دویای ئیران وە پلەی دویەم داوەزیا، لە مانگ نیسان گوزەشتە ئەرا پلەی سێیەم داوەزیا لە دویای ئەوەگ رووسیا زاڵەو بوی لەبان ماڵو موڵک تورکیا.