ئەرا دویەم رووژ.. نرخ خام بەسڕە داوەزێد سەرەرای جیگیربوین نەفت جەهانی

شەفەق نیوز/ نرخ خام قورس و ناوڕاس بەسڕە، ئمڕوو چوارشەممە، داوەزیا وەگەرد جیگیربوین نرخ نەفت لە بازاڕەیل جەهانی.

نرخ نەفت قورس بەسڕە 32 سەنت داوەزیا کە یەکسانە وە 0.42% رەسیە 75.60 دۆلار، و نرخ نەفت ناوڕاس  32 سەنت دازیا کە یەکسانە وە 0.40 % رەسیە 78.85 دۆلار.

نرخ نەفت جەهانی وەگەرد پلان ترامپ ئەرا دانان رسومەیل گومرکی جیگیربوی هاوکات وەگەرد دەرکردن داتایەیل لاواز چینی دەسکەفتەیل کەمەوبوینە، لەلایگیش مەزەنەی بەرزەوبوین پلەی گەزمی کزێد لە شوینەیل ترەک.