ئەرا دویرەوخستن بەغداد لە وەزەی ئیران.. واشینتون هان پڕۆژەی نوو عراق و سعودیە دەێد

شەفەق نیوز/ رۆژنامەیگ ئەمریکی، ئمڕوو دووشەممە، خەوەردا ک ئەمریکا هان لە پڕۆژەی سعودی عراقی نوویگ دەێد ئەرا وەبەرهەمهاوردن لە چین وزە، وئاماژەدا ک وەرەو تەواوبوینە.

رۆژنامەی ووڵ ستڕیت جۆڕناڵ وت: ئەمریکا هەوڵدەێد عراق و هاوساگانی لە دەوڵەتەیل ئەنجومەن هاوکاری خەلیج وەیەکەو گریەبیەێد ئەرا وەبەرهەمهاوردن لە چین وزە، ودیاریکرد ک ئیدارەی دۆناڵد تڕامپ هان بەغداد دا وەرەو هاوکاری وەگەرد ئی دەوڵەتەیلە لە پڕۆژەی گریەداین کەهرەبا، ک خوەی گامیگە هێلێد بەغداد کەمتر لە وەزەی ئیرانی وەکاربارێد.