ئەرا دۊەم رووژە.. بەرزەوبۊن نرخ تەڵا لە بازاڕەیل عراق

شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد،  ئمڕوو چوارشەممە ١٥ی ئەیلوول ٢٠٢١ ، ئەرا دۊەم رووژە بەرزەو بۊی.

پەیامنێر ئاژانس شەفەق نيوز وت: نرخ تەڵا لە بازاڕەیل بڕ فرووشتن یەک مسقاڵ تەڵای خەلیجی و تورکی و ئەوروپایی عەیار ٢١ لە جادەی نەهەر لە بەغداد پایتەخت، رەسیە ٣٦٩ هەزار دینار ز و نرخ سەنین رەسیە ٣٦٤ هەزار دینار.

پەیامنارەگەمان وتیش؛ نرخ یەک مسقاڵ عەیار ٢١ لە تەڵای عراقی بەرزەوبۊن وەخوەی دی لەپای ٣٣٩ هەزار دینار ز و نرخ سەنینی رەسیە ٣٣٤ هەزار.

لەباوەت نرخ تەڵا لە دوکان زەڕنگەرەیلە،  نرخ فرووشتن یەک مسقاڵ تەڵای خەلیچی عەیار ٢١ هالە ناونی ٣٧٠ هەزار دینار و ٣٧٥ هەزار، و نرخ فرووشتن یەک مسقاڵ تەڵای عراقی هالە ناونی ٣٤٠ هەزار دینار و ٣٤٥ هەزار دینار.