راگەیانن ئەنجامەیل گردەوبوین هاوپەیمانی ئیدارەی دەوڵەت وە ئامادەبوین نێچیروان بارزانی
وەگورەی بەیاننامەی هاوپەیمان وەڕیەوبردن دەوڵەت: لەو دیدارە کە وە ئامادەبوین نێچیروان بارزانی سەرۆک هەرێم کوردستان عراق وەڕیەو چگ، باس لە چەن باوت و پرسیگ پەیوەندیدار وە رەوش سیاسی و ئەمنی و ئابووریی کریا، و گامە دەسخوەشی لەلی کریاگ حکومەت و ریکارەیلی ئەرا خاسەوکردن رەوش ئابووری و ژیانگوزەرانی هاوڵاتیەیل لە گشت ناوچەیل عراق، لە سای جیگیربوین و گەشەکردن ئاشکرا.
وتیش: لە دیدارەگە باس سەردان چەوەڕیکریاگ محمد شیاع سودانی سەرۆک وەزیرەیل و شاند یاوەری ئەرا ئەمریکا کریا، و ئەو باوەت و تەوەرەیلە کە باسیان کریەێد، کە سەرکردەیل هاوپەیمان وەڕیەوبردن دەوڵەت پاڵپشتی خوەیان ئەرا سەردانەگە نشان دان، دووپات لە دڵنیاییان وەوەگ شاند عراق وە سەرۆکایەتی سەرۆک ئەنجومەن وەزیرەیل پیشکەشی کەێد، لە چوارچیوەیگ کەفێدە بەرژەوەنی عراق و ئاسایش و ئارامی و ئەوزەڵکردن وەردەوام قایم کەێد.
دیدارەگە باس باوەتەیل هاوبەش وەرد سەرۆک هەرێم کوردستان عراق، و ریەیل چارەکردنیان وەگورەی دەق دەستوور کریا، و پیشکەشکردن گشت رەنجیگ ئەرا چگن وە هاوبەشییگ بیناکەر کە دەسمیەتی لە بتەوکردن ئارامی بەێد، و پاڵپشتی بەرژەوەنیەیل گەل عراق وەگشت رەنگ و پیکاتەیلی بکەید، وەگەرد دووپاتکردن لەبان پابەندبوین وەو ڕێککەفتن سیاسیە کە لە بنەماگەی حکومەت دروس بوی.
