کەرکوک.. دوو برا ناخاڵە دەسیان هاناو خنکانن برایان تا مردن
شەفەق نیوز/ سەرچەوەیگ ئەمنی، ئمڕوو دووشەممە، ئاشکرای ووردەکاریەیل تاوان کوشتنیگ لە پارێزگای کەرکوک کرد، لێکۆڵینەوەکان دەرخستن ک دوو برای قوربانیەگە دەسیان هاناو رووداوەگە هەرچەن هەردوگیان ناخاڵەن.
سەرچەوەگە باس رووداوەگە ئەرا ئاژانس شەفەق نیوز کرد وت: دەزگا ئەمنیەکان وەرجە سێ ڕووژ تەرم پیاویگ لەناو ماڵیگ تەواو نەکریاگ لە ناوچەی عەمەل شەعبی لە شار کەرکوک پەیا کردن، و شوین بەسانن وەقەی دەسەیلی دیار بوی.
وتیش؛ قوربانیەگە لە دانیشتوەیل ناوچەی عەمەل شەعبیە لەتەمەن ٢٣ ساڵانە، و وەگورەی راپۆرت پزشک دادوەری نشان دەێد ک قوربانیەگە لەلایەن نەناسریایلیگ تا مردنی لەناو ئاو خنکیاگە.
سەرچەوەگە وتیش: هێزەیل پۆلیس دەسوەسەر دوو برای قوربانیەگە کردن و خوەیان ئاشکرای کوشتن براگەیان کردن.
سەرچەوەگە دیاری کرد ک دوو براگە خریانە زیندان ناخاڵەیل، چوونکە یەکیگیان هالە تەمەن ١٧ ساڵان و تەمەن ئەواکە دیاری نەکرد.
