کەرکوک.. دەسگیرکردن سێ داواکریاگ و بازرگان هووشبەر هاناویان لەدویای تەقەکردن وەگەردیان
2024-04-07T07:43:21+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە دەسگیرکردن سێ داواکریاگ کە بازرگانیگ مادەی هووشبەر هاناویان لەدویای تەقەکردن لە پارێزگای کەرکوک.
سەرچەوەگە وە ئاژانس شەفەق نیوز خەوەردا، "هێزە هاوبەشەیل توەستنە سێ کەس دەسگیربکەن یەکەم لە دەروازی چگنەناو کەرکوک لە باشوورەو، کە داواکریاگ دەزگای ئەمنیە وەپای مادەی (٤تیرور) لەدویای هویردەوبوین لە ناوەگەی وەلایەن خاڵ وشکنین تازە".
سەرچەوەگە وتیش، "داواکریایگ وەپای مادەی ٤٥٦ عرقی وەلایەن هێزە هاوبەشەیل دەسگیرکریا لە خاڵ وشکنین چیمەن لەبان ری کەرکوک سلێمانی، لەدویای هویردەوبوین لە زانیاریەیلی لەری کامپیوتەر ئەلکترۆنی".
دووپاتکرد، "هێزەیگ لە پۆلیس کەرکوک و بەڕەنگاربوین مادەی هووشبەر کوڵەئەرا بازرگانیگ هووشبەر دانان و مەوقەی دەسگیرکردنی تەقەلای واین دایە، بویە مدوو تەقەکردن وەرد پۆلیس بەڕەنگاربوین مادەی هووشبەر و لەدویای زەخمدارکردنی دەسگیرکریا وئەرا خەسخانە کلکریاس".
