رێژەی وەکارهاوردن برنج وەلایەن تاک عراقی چەنە؟ فاو جواوەو دەێد

شەفەق نیوز/ رێکخریاگ خۆراک و کشاوەرزی وڵاتەیل یەکگرتوی "فاو" مەزەنە کەێد لەماوەی ساڵ 2022  عراق 1.8 ملیۆن تەن برنج هاوردە بکەێد، وتیش یە دیاری ئەوە کەێد له‌ ماوه‌ی ساڵەیل 2023-2022 خواردن برنج وه‌لایه‌ن هه‌ر هاوڵاتییگ برەسێدە 37 (سی و هەفت) كیلۆگرام.

رێکخریاگ خۆراک و کشاوەرزی له‌ خشته‌ی مانگ حوزه‌یران خوەی بڵاویکردیە، پیشبینی کەێد عراق له‌ماوه‌ی ساڵ 2022 بڕ 1.8 ملیۆن تەن برنج هاورده‌ بکەێد ئەرا دابینكردن خوازین ناوخۆیی، لە وەختیگ له‌ماوه‌ی پارەکە 2021 بڕ 900 هەزار تەن هاورده‌كریایە، له‌ساڵ 2020یش  1.1  ته‌ن برنج هاورده‌كریایه‌.    

وتیش:"به‌رهه‌مهاوردن برنج عراق له‌مساڵ نیەتوانریەێد بزانریەید، چوینكه‌ داتای ته‌واو له‌باوەت ڕوبه‌ر ئه‌و زەویەیلە كه برنج لێیان کاڵیایە نیە وەردەس، به‌رهه‌م برنج عراق له‌ ماوه‌ی ساڵه‌یل 2020 و 2021 ساڵانه‌ 300هەزار ته‌ن بویه‌". 

دیاریکرد،  تێكڕای وەكارهاوردن برنج ئەرا هه‌ر تاكیگ له‌ ساڵەیل 2022-2023 بڕ 37 كیلۆگرام بوود له‌ساڵیگ، له‌ وەختیگ تێكڕای وه‌كارهاوردن برنج ئەرا هه‌ر تاكیگ له‌ ساڵەیل 2021-2022 رەسیەس 36.8  له‌ ساڵیگ، له‌ ساڵ 2020-2021یش34.1  بویه‌.