رەمەزان جویلە خەێدە ناو بازاڕەیل بەغدا
2023-03-25T13:06:57+00:00
شەفەق نیوز/ بازاڕەیل بەغداد پایتەخت وەگەرد رووژەیل مانگ رەمەزان، هاتن بسینەیل وەخوەی دوینێد، ک ئەرا سەنین خوەراک تیەنە بازاڕ شۆرجە، گەورەترین ناوەند بازرگانی عراق.
کامیرای ئاژانس شەفەق نیوز گەردیە ناو ئەو بازاڕە، و جویلەی مەردمەگە و چشت سەنین وەگەرد سەرەتای مانگ رەمەزان توومار کرد، ک دویای ماوەیگ لە بازاڕ سەردی لە ئەنجام دویرەکەفتن مەردم لە پشت سەنین لەوەر بەرزەوبوین نرخ دۆلار، دووارە بازاڕی گەرمەو بوی.
جویلەی بازرگانی وە دوکانەیل دیار بوی، ک بسینەیل لەبانیان گردەو بوین، ک جویلەی رەمەزان هەمیش کووڵکیشەیلیش گردەو، چوینکە پشت و کار رووژانە بەسن، ئیسە هەناسیگ هەڵکیشان.
