ئەرکدارکردن ژنیگ تورکمان وە پۆست وەزیر دارایی وە جینشینی
![ئەرکدارکردن ژنیگ تورکمان وە پۆست وەزیر دارایی وە جینشینی](https://media.shafaq.com/media/arcella/1665829222761.jpg)
شەفەق نیوز/ حەسەن توران سەرۆک بەرەی تورکمانی، ئمڕوو شەممە، ئەرکدارکردن ژنیگ لە پیکاتەگە وە پۆست وەزیر دارایی وە جینشینی عراق راگەیان، لەجیای ئیحسان عەبدولجەبار ک وە جینشینی ها ئی پۆستە وەگەرد ئەوەیش ک خوەی وەزیر نەفتە.
توران لە بەیاننامەی کوڵبڕیگ وت: پیرووزبایی لە یەکەمین ژن تورکمان کەیمن ک بوودە خاوەن پۆستیگ سەروەری.
وتیش: خانم هیام نیعمەت کوبرلو وەزیر داراییە وە جینشینی.
رووژ سێشەممەی گوزەشتە، ئەنجومەن نوینەرەیل لەبان کۆتایی ئەرک ئیحسان عەبدولجەبار وەزیر نەفت لە پۆست وەزیر دارایی وە جینشینی دەنگ دا.