دياله‌و كوردستانى ريككه‌فتن له‌بان وازكردن ڕى خانه‌قين وكله‌وكردن كووچبه‌ره‌يل
سادق حسه‌ينى سه‌رۆك ليژنه‌ى ئاسايش له دياله‌و سه‌ركرده له ريكخرياگ به‌در ئه‌را(شه‌فه‌ق نيوز)وت: دانيشتن فراوانيگ له قه‌زاى خاڵس له‌ناونى ئه‌ميندار گشتى ريكخرياگ به‌در و پاريزگار دياله‌و وه‌رپرسه‌يل دياله و سه‌ركرده‌يل ئاسايشى وه‌ل شاند هاوپه‌يمانى كوردستانى ساز كرياگه ك پيكهاتگه له مه‌حمود سه‌نگاوى سه‌ركرده له يه‌كێتى نيشتمانى كوردستان و شێركۆ ميروه‌يس وه‌رپرس ريكخستنه‌يل يه‌كێى له خانه‌قين و شماره‌يگ له وه‌رپرسه‌يل تر ساز كرياگه وه‌خاتر تاوتويكردن چه‌ن مه‌سه‌له‌و كيشه‌يليگ گرينگ ئاسايشى و سياسى.
حسه‌ينى ئاماژه وه‌يه‌يش كرد ك هه‌ردوگلا ريككه‌فتنه له‌بان كله‌وكردن كووچبه‌ره‌يل سه‌عديه‌و جه‌له‌ولا وه گووره‌ى خشته‌يگ وه‌ختى و وازكردن ڕى ئيمام وه‌يس – ئه‌كباشى ئه‌را خانه‌قين ك ئه‌را ماوه‌ى فيشتر له ساڵيگه به‌سياگه وه‌بوونه‌ى بار خراو ئاسايشى.
ج . أ
