دياله‌.. كه‌فتنه‌وه‌ى زه‌خمدار له‌ كه‌مينيگ داعش ئه‌را كارمه‌نده‌يل وه‌رگرى شارستانى

دياله‌.. كه‌فتنه‌وه‌ى زه‌خمدار له‌ كه‌مينيگ داعش ئه‌را كارمه‌نده‌يل وه‌رگرى شارستانى
2020-05-10T11:17:51+00:00

شه‌فه‌ق نيوز/ سه‌رچه‌وه‌يگ ناوچه‌يى له‌ دياله‌، باس له‌ په‌لاماريگ داعش كرد ئه‌را بان كارمه‌نده‌يل وه‌رگرى شارستانى له‌ وه‌خت كوشاننه‌وه‌ى ئاگريگ وه‌ردرياى له‌ به‌رهه‌مه‌يل كشوكاڵى له‌ پاريزگاى دياله‌.

سه‌رچه‌وه‌يگ ئه‌را شه‌فه‌ق نيوز وت: تيميگ له‌ وه‌رگرى شارستانى تويش كه‌مينيگ و ته‌قه‌كردنيگ هاتنه‌ له‌ ده‌ورگرد ئاوايى ته‌وه‌كل له‌ باكوور قه‌زاى شاره‌بان(وه‌دويرى 40كم له‌ باكوور باقووبه‌)له‌ وه‌خت هه‌وڵ كوشاننه‌وه‌ى ئاگريگ له‌ يه‌كيگ له‌ كێڵگه‌يل كشوكاڵى، ك له‌تى كارمه‌نديگ وه‌رگرى شارستانى زه‌خمدار بوێ وه‌ل زه‌خمداربوين دو كه‌س تر مه‌ده‌نى.

سه‌رچه‌وه‌گه‌ ئاماژه‌ وه‌يه‌يش كرد ك چه‌ته‌يل داعش ده‌س له‌و ئاگرداينه‌ داشتنه‌و يه‌يش له‌يوا كردگه‌ ده‌زگايه‌يل ئه‌منى ده‌خاڵه‌ت بكه‌ن و تيمه‌ وه‌رگريه‌ شارستانيه‌گه‌ دويره‌و بخه‌ن و ئاگره‌گه‌يش بكوشننه‌وه‌و بارودوخه‌گه‌ كۆنترۆڵ بكه‌ن.

Shafaq Live
Shafaq Live