دويه‌تيگ كه‌متر له بيس ساڵان له دياله خوه‌ى كوشت
2020-05-10T11:29:27+00:00
شه‌فه‌ق نيوز/ سه‌رچه‌وه‌يگ وه‌رپرس له دياله، باس له خوه‌يكوشتن دويه‌تيگ كرد ك خوه‌ى خنكانگه له ناحيه‌ى قه‌ره‌ته‌په(وه دويرى 115كم له باكوور خوه‌رهه‌ڵات باقووبه).
له‌ى باوه‌ته‌و، وه‌سفى ته‌ميمى وه‌ڕيه‌وبه‌ر ناحيه‌ى قه‌ره‌ته‌په ئه‌را شه‌فه‌ق نيوز وت: ئه‌و دويه‌ته 15 ساڵان بويه له ناوچه‌ى سه‌يف سعه‌د له باشوور ناحيه‌گه خوه‌ى كوشتگه، ك وه‌گووره‌ى زانياريه‌يل ئه‌وه ده‌ركه‌فتگه ك هووكار خوه‌يكوشتنه‌گه له‌وه‌ر كيشه‌يل خيزانى بويه.
ته‌ميمى باس له‌وه‌يش كرد ده‌سڵاته‌يل ئه‌منى په‌جوورى له‌و باوه‌ته‌و واز كردنه ئه‌را زانستن راسيه‌يل ئه‌و رويداگه.
