دويه‌تيگ رفياێ مه‌سيحى له دياله‌وه ئه‌را سامه‌ڕا له بڕفنه‌يلێ رزگار كريا
2020-05-14T18:41:32+00:00
شه‌فه‌ق نيوز/ سه‌رچه‌وه‌يگ ئه‌منى له پاريزگاى دياله، باس له شيوازه‌يل ئزادكردن دويه‌تيگ رفياى له پيكهاته‌ى مه‌سيحى كرد له پاريزگاگه.
سه‌رچه‌وه‌گه ئه‌را ئاژانس شه‌فه‌ق نيوز وت: دويه‌تيگ مه‌سيحى له‌لايه‌ن كه‌سه‌يليگ نه‌ناسرياگه‌و دوياى ده‌رچگنى له ماڵ له ناوڕاس باقووبه رفياگه‌و برياگه ئه‌را سامه‌ڕا له پاريزگاى سه‌ڵاحه‌دين.
سه‌رچه‌وه‌گه وت: تيميگ ئه‌منى تايبه‌تمه‌ند له هه‌واڵيگرى و له‌ڕێ پرووسه‌يگ چه‌وديريكردن وه هه‌ماهه‌نگى وه‌ل ده‌زگايه‌يل ئه‌منى تويه‌نستگه شوون ئه‌و دويه‌ته له سامه‌ڕا ديارى بكاو باريده‌وه‌ى ئه‌را ماڵه‌گه‌ى له باقووبه‌و رزگارى بكا، وه‌لێ هيمان كه‌سه‌يل رفاننكار دوياى واينيان نه‌دوينريانه‌سه‌وه‌و ده‌زگايه‌يل ئه‌منى وه‌رده‌وامن له گه‌ردين له‌شوونيان.
