دوياى پرسه‌ى هارسه.. به‌سره زياتر له 40 حاڵه‌ت تويشبوين وه كۆرۆنا تۆمار كرد
شه‌فه‌ق نيوز/ سه‌رچه‌وه‌يگ پزيشكى ئاشكراى ئه‌وه كرد تيمه‌يل ئامار پزيشكى له پاريزگاى به‌سره تويه‌نستنه زياتر له 40 حاڵه‌ت تويشبوين تازه وه ڤايرۆس كۆرۆنا تۆمار بكه‌ن ك زوورميان وه‌ركه‌فته‌ى نه‌خوه‌شه‌يل وه‌رين بوينه.
ئه‌و سه‌رچه‌وه ئه‌را شه‌فه‌ق نيوز وت: تيمه‌يل ئامار پزيشكى له پاريزگاى به‌سره حاڵه‌ته‌يل تويشبوين تازه وه كۆرۆنا تۆمار كردنه له دوياى پرسه‌گه‌ى هارسه و شماره‌يان له 40 كه‌س زياتر بويه له‌ناونى ناوه‌ند پاريزگاگه‌و باكوور به‌سره.
لاى خوه‌ييشه‌و ئه‌سعه‌د عه‌بدولئه‌مير عيدان پاريزگار و سه‌رۆك شانه‌ى قه‌يران له به‌سره له‌باسيگ ئه‌را شه‌فه‌ق نيوز وت: شانه‌ى قه‌يران مقه‌يه‌ته له چه‌وديريكردن بارودوخ ته‌ندروستى له پاريزگاگه وه هه‌ماهه‌نگى وه‌ل ته‌ندروستى به‌سره‌و پزيشكه‌يل و باس له‌وه‌يش كرد ئه‌و تويشبويه‌يله خريانه‌سه كه‌ره‌نتينه‌و زوورميان وه‌ركه‌فته‌ى حاڵه‌ته‌يل تر وه‌رين بوينه.
