دوياى كردنه‌وه‌ى چوار ناوچه.. وشدارى دريا خوه‌ينشانده‌ره‌يل نه‌چن وه‌ره‌و ده‌يشت ته‌حرير
2020-02-12T08:51:31+00:00
شه‌فه‌ق نيوز/ سه‌ركردايه‌تى فه‌رمانده‌يى به‌غدا، ئاشكراى كردنه‌وه‌ى چوار ناوچه كرد ك له‌ژير ده‌سڵات خوه‌ينيشانده‌ره‌يل بويه له‌ناوڕاس به‌غداى پايته‌خت و ئاشكراى ريككه‌فتن كرد وه‌لياناو وشدارييش وه‌پيان دا نه‌چن وه‌ره‌و ده‌يشت مه‌يدان ته‌حرير ك وه‌ته‌واوى ئه‌رايان ده‌سه‌وه‌ر كرياگه.
سه‌ركردايه‌تيه‌گه له به‌ياننامه‌يگ وت: له‌وه‌ر ئه‌وه‌گ خوه‌ينيشانده‌ره‌يل ئاشتيخواز ناوچه‌ى ته‌حرير ئه‌را خوه‌ينيشانداين ديارى كردنه، هه‌ر وه‌و خاتريشه هيزيگ ئه‌را پاسه‌وانيكردنيان و ئه‌را مقه‌يه‌تيكردن له ناوچه‌گه ديارى كرياگه‌و ده‌س كرياسه وازكردن ناوچه‌يل تر(خه‌ڵانى، جاده‌ى ره‌شيد، مه‌يدان وه‌سبه، پيه‌ڵ سنه‌ك).
جى باسه، به‌ياننامه‌گه يه‌يش ده‌رخست ك حاڵ حازر كار له‌بان لاوردن ديواره‌يل كۆنكريتى و پاكه‌وكردن ئه‌و ناوچه‌يله ئه‌كريه‌ێد.
