دوياى ئه‌نجامداين سويريگ قه‌يه‌غه‌ى گشتگير ئه‌خريه‌ێده بان پاريزگايگ عراقى
شه‌فه‌ق نيوز/ پاريزگاى سه‌ڵاحه‌دين باس له‌وه كرد قه‌يه‌غه‌ى هاتوچوو گشتگيريگ بخريه‌ێده بان پاريزگاگه، ئه‌ويش دوياى ئه‌وه‌گ له ماوه‌ى 48 سه‌عات گوزه‌يشت دو حاڵه‌ت تويشبوين وه ڤايرۆس كۆرۆنا تۆمار كريا.
له‌ى باوه‌ته‌و، جه‌مال عگاب دلێمى وه‌ڕيه‌وبه‌ر ره‌سانن پاريزگاگه‌و قسه‌كه‌ر وه‌ناو شانه‌ى قه‌يران له سه‌ڵاحه‌دين ئه‌را شه‌فه‌ق نيوز وت: پاريزگاگه ناوچه‌ى به‌نى سه‌عد له ده‌ورگرد قه‌زاى به‌له‌د له باشوور سه‌ڵاحه‌دين داخستگه ك تويشبوينيگ وه كۆرۆنا ئه‌را خوه‌ندكاريگ له‌تى تۆمار كرياگه‌و له روسيا گله‌و خواردگه‌و به‌شدارى سويريگ كردگه وه‌رجه چه‌ن رووژيگ.
دلێمى وت: دوباره دانانه‌وه‌ى قه‌يه‌غه‌ى گشتگير مه‌سه‌له‌يگ رێ وه‌پيدرياگه له حاڵه‌تيگ ئه‌گه‌ر حاڵه‌ته‌يل تويشبوين زياێ بكا، ئه‌ويش له‌وه‌ر مقه‌يه‌تيكردن له‌و ده‌سكه‌فته‌يله ك وه‌ده‌س هاتنه له ماوه‌ى گوزه‌يشت و به‌تاڵكردن شاره‌گه له تويشبوين وه كۆرۆنا.
