دويەم خوەیکوشتن لەبان کەفتن لە مەکتەو وەماوەی چەن ساعەتیگ لە عراق
2024-07-24T11:01:49+00:00
شەفەق نیوز/ سەرچەوەیگ لە پولیس عراق، ئمڕوو چوارشەممە، خەوەردا لە توومارکردن دویەم خوەیکوشتن وەماوەی چەن ساعەتیگ لەوەر کەفتن لە پۆل شەش ئامادەیی، ئەوەیش لە باشوور عراق.
سەرچەوەگە ئەرا ئاژانس شەفەق نیوز وت: گەنجیگ لە تەمەن ١٨ ساڵان وە پەتیگ وەقەی پەنکەی قەواسەی ماڵیان لە ناحیەی فەجر باکوور زیقار خوەی کوشتیە.
سەرچەوەگە دیاری کرد کە گەنجەگە لەوەڕ کەفتنی لە پۆل شەش ئامادەیی خوەی کوشت.
شەوەکی ئمڕوو، گەنجیگ لە دیوانیە وە پارچە پەڕوویگ خوەی دادە سێدارە، لەوەر کەفتنی لە پۆل شەش ئامادەیی.
پیرەکە دووشەممە، وەزارەت پەروەردەی عراق، ئەنجامەیل پۆل شەش ئامادەیی ئەرا ساڵ خوەنەواری 2023 - 2024 بڵاو کرد.
