دووارە بەرزەوبوود.. پلەی گەرمی لە عراق دووارە ها لە چلەگان

شەفەق نیوز ــ بەغداد

دەسەی کەشناسی گشتی عراق، ئمڕوو شەممە، راگەیان لەماوەی ئێ هەفتە وڵاتەگە گەرمی وەخوەی دوینێد وەگەرد توومارکردن پلەی گەرمی چلەگان.

 دەسەگە لە راپۆرتیگ رووژانەی کە ئاژانس شەفەق نیوز دیەسێ راگەیان، کەش ئمڕوو شەممە تاوسانیگ وە  گەرمی تونیگە لە رووژ، لە ناوچەیل ناوڕاس و باشوور، وەرد کەشیگ جیگیر و رووشن لە فرەیگ ناوچەیل، و دەرکەفتن ئەور دویر لە یەک گاجاریگ لە کەش بڕیگ لە شارەیل باکوور.

 لە راپۆرتەگە دیاریکرد، پلەی گەرمی ناوچەیل ناوڕاس و باشوور   نزیکە لە دویەکە، و باوجی لە باکوور کەمیگ بەرزەوبوود.

کەشوهەوای سوو یەکشەممە، لەناوچەیل ناوڕاس و باشوور نزیکە لە توومارەیل وەرین وەرد داوەزیان کەمیگ لە باکوور، و لە رووژ دووشەممە، لە ناوچەیل باکوور نزیکەو توومارەیل مینێد و کەمیگ لە ناوچەیل ناوڕاس و باشوور بەرزەوبوود.

وەپای راپۆرتەگە، پلەی گەرمی مەزەنەکریاگ رووژ شەممە وەیجویرەس: بەغدا 46، دهۆک 42، هەولێر 44، سلێمانی 43، کەرکوک 45، نەینەوا 45، سەڵاح الدین 45، دیالە 46، ئەنبار 44، کەربەلا 46، بابیل 45، واست 47، نەجەف 46، دیوانیە 45، میسان 48، زیقار 47، موسەنا 47، بەسرە 48 پلە. 

لەباوەت وە پلەی گەرمی سوو یەکشەممە مەزەنەکرێ پلەی گەرمی بڕەسێدە: دهۆک ٤٠، نەینەوا ٤٤، هەولێر ٤٢، سلێمانی ٤٢، کەرکوک ٤٥، سەڵاح الدین ٤٤، دیالە ٤٥، ئەنبار ٤٣، بەغدا ٤٦، واست ٤٦، بابل ٤٥، کەربەلا ٤٦، دیوانیە ٤٦، نەجەف 46، موەنا 47، ناسریە 48، میسان 48، بەسرە 48 پلە.

‏