دوو پێشنیار حکومەتی ئەرا پڕكردن بۆشایی نرخ نەفت لە بوودجەی عیراق

شەفەق نیوز/ راوێژکاریگ حکومەتی، روژ جومعە، ئاشکرای دوو پێشنیار کرد، ک نریانە وەردەس ئەنجومەن وەزیران، تایبەتن وەدانان نرخ نەفت لە بوودجە گشتیەگە.
راوێژکاریگ ک فەرمی ماف قسیه‌ نەیرێد لە باسیگ ئەرا ئاژانس شەفەق نیوز وت؛ راوێژکارەیل ئابووری لە ئەنجومەن وەزیره‌یل، دوو پێشنیار نانە وەردەس، تایبەت وە وەروچەوناین نرخەیل نەفت ودابنیکردن مووچەیل وەگورەی نرخ ئیسە لە بودجەی گشتی ئەرا ساڵ 2020 ، وەمەرجیگ ک نرخ نەفت ناوبەین ٢٠-٢٥ دۆلار ئەرا یەک بەرمیل بوود، وتیش؛ یەکەمین پێشنیارەگە ک راوێژکارەیل ئابووری دانەسەی، لەتی گشت مانگیگ نرخ ئەرا نەفتەگە نەێدە وەرچەو لە بوودجە گشتیەگە، وەگورەی نرخەیل نەفت لە بازاڕە جیهانیەگان ک دریانە وە گریەبەس دویاخریاگ.
ودویەم پێشنیارەگە دیاری ئەرزشی نەگۆڕییگ ئەرا نرخەیل نەفت کەێد، وەمەرجیگ لە ٢٥ دۆلار ئەرا یەک بەرمەیل زیاتر نەود، ولە بوودجەی وەکارهاوردن دانریەێد ئەرا شەش مانگەگە ک لەی ساڵە مەنیە، ودیاریی کرد ک بوودجەگە ک راوێژکارەیل کار لەبانی کردن ئەرا دابین کردن مووچەیل فەرمانبەرەیل و خانەنشینەیل و چاودێری کۆمەڵایەتی و تەموینی، بیجگە تەرخان پویل ئەرا سەنین دەرمان وخواستە پزشکیەگان ئەرا وزارەت تەندروسی.
راوێژكارەگە هەمیش وت؛ هەردگ پێشنیارەگە ئیسە هانە ژیر توێژینەوە لە لاین راوێژکارەیل وەهاوکاری پسپۆرەیل وزارەت دارایی، وکار لە دروس کردن بوودجە گشتیەگە وەردەوامە، ولەی روژەیل ئاینده‌ خریەێدە وەردەس ئەنجومەن وەزیران.