دوو ژن هاناویان.. هەڵوەشانن توڕیگ قاچاغچی وە ئەندامەیل لەش و لەشفرووشی لە سەیدییەی بەغداد

شەفەق نیوز - بەغداد

سەرچەوەیگ ئەمنی، ئمڕوو سێشەممە، خەوەردا لە هەڵوەشانن توڕیگ تایبەتمەن وە قاچاغکردن وە ئەندامەیل لەش و ئەنجامداین لەشفرووشی لە باشوور پایتەخت بەغداد.

سەرچەوەگە ئەرا ئاژانس شەفەق نیوز وت، کە "هێزیگ ئەمنی، و لەڕی وەدۊاچگنیگ مەیدانی نزیک، تۊنست ئەندامەیل توڕەگە دەسگیر بکەێد که 6 کەس بۊنە، لەناویانیش دوو ژن کە لەشفرووشی کەن، و ئەوەیش لە ناو پرۆسەیگ ئەمنی لەناوچەی سەیدییە لە باشوور بەغداد".

سەرچەوەگە وتیش کە "گشت توومەتبارەیل ئەرا بنکەی ئەمنی بریانە؛ ئەرا تەواوکردن ریکارە یاساییەیل وەرانوەریان و کلکردنیان ئەرا دادگا".