دوو قوربانی و زەخمداریگ وە پەلامار داعش لە باشوور کەرکوک

شەفەق نيوز/ سەرچەوەیگ ئەمنی وەرپرس، ئمڕوو شەممە، خەوەردا لە کەفتن دوو قوربانی و زەخمداریگ گشتیان مەدەنیین، وە پەلاماریگ لەلایەن ریخریاگ داعش لە باشوور پارێزگای کەرکوک.     

سەرچەوەگە ئەرا ئاژانس شەفەق نیوز وت: ئەندامەیل داعش، نیمەڕو ئمڕوو، پەلاماریگ چەکدار لەبان مەدەنیەیلیگ کردن کار لە پیشەسازی زوخاڵ کەن، لە نزیک ئاوای حەوایج سەروە ناحیەی عەباسی لە قەزای حەویجە باشوور کەرکوک.        

وتیش؛ هێزیگ ئەمنی رۊی وەرەو شۊن رووداوەگە کرد، و تەرم دوو قوربانیەگە وەرەو پزشک دادوەری بردن، و زەخمدارەیلە رەساننە خەسەخانە.