دوو زەخمدار وە پەلاماریگ مووشەکی لە دەورگرد ناوچەی خەزرا
![دوو زەخمدار وە پەلاماریگ مووشەکی لە دەورگرد ناوچەی خەزرا](https://media.shafaq.com/media/arcella/1665651953440.jpg)
2022-10-13T09:06:24+00:00
شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، خەوەردا ک ناوچەی خەزرا لەناوڕاس بەغداد، کەفتە وەر پەلاماریگ وە چوار مووشەک.
سەرچەوەگە ئەرا ئاژانس شەفەق نیوز وت: دوو مووشەک لەلیان کەفتنە دەورگرد ئەمینداری گشتی ئەنجومەن وەزیرەیل، و ئەو دووانەگە کەفتنە دەورگرد دەروازەی تەشریعی شمارە یەک وەرەو ئەنجومەن نوینەرەیل.
سەرچەوەگە وتیش: پەلامارەگە بویە هووکار زەخمداری دوو کەس لە ئەماریگ سەرەتایی.