دوو خوەیکوشتن و سێ زەخمداری لە بەغداد و دوو پارێزگا
سەرچەوەیگ ئەمنی ئەرا ئاژانس شەفەق نیوز وت: کابرایگ مەدەنی پشتی زەخمدار بوی، لە ئەنجام مرافەیگ رەسیە وەکارهاوردن چەک سووک لە ناوچەی سەلامیات لە بەغداد.
سەرچەوەیگتر وت: کابرایگ لەناو مرافەیگ وە چەقوو لە شار سەدر خوەرھەڵات بەغداد زەخمدار بوی.
لە باشوور عراق، رویداویگ هاتوچو کەفتە ناوبوین چەن ماشینیگ، یەکیگیان کەسەیلیگ بەندیکریاگ لەناوی بوینە، وەرەو ناحیەی رەزوانیە بریانە، بویە هوکار کوشیان ژنیگ ک لەو مەوقە لەناو جادەگە رەد بویە و تلیایە.
لە موسەنا، پیاویگ لەناو تەمەن چل ساڵە وە گولە لەناو ماڵەگەی خوەی لە قەزای هیلال کوشت.
هەمیش لە موسەنا، چەکدارەیلیگ نەناسریاگ لەبان ری گشتی لە باشوور پارێزگاگە وەچەک پەلامار هاووڵاتییگ دان، و زەخمداری سەختیگی کردن.
لە زیقار، ژنیک لەناو تەمەن پەنجا ساڵە، وە دەرمان تەقەلا داگە خوەی بکوشێد، باوجی کەسوکارەیلی رزگاری کردن و رەساننەی خەسەخانە، و رەوش دەروینی ژنەگە هیشتیە تەقەلای خوەیکوشتن بەێد.
سەرچەوەگە وتیش: بومبیگ دانریاگ تەقیە ماڵ کابرایگ لە ناوچەی ئیسکان سناعی باشوور شار ناسریە، وتیش؛ تەقینەوەگە زەرەد وە روی ماڵەگە رەسانیە، وەبی زەخمداری کەسیگ.
