دوو حاڵەت مردن و ٦٠ تویشهاتگ نوو وە کۆڕۆنا لە عیراق

شەفەق نیوز/ وزارەت تەندروسی عیراق، روژ جومعە، خه‌وه‌ر تۆمار کردن دوو حاڵه‌ت مردن و ٦٠ تویشهاتگ نوو وە ڤاێڕۆس کۆڕۆنا لە ٢٤ ساعەت دویاین و لە گشت وڵاتەگە راگەیان.
وزارەتەگە لە بەیاننامیەگ ك رەسیە شەفەق نیوز وت: تویشهاتگەیل نوو چویچیانە ناو: بەغداد/ رسافە: ١٢، بەغداد/ کەرخ: ١٩، شار پزشکی: ٣ ، دیالە: ١ . میسان: ٩ . بەسرە: ١٢ . زیقار: ٢ . سەلاحەدین: ٢ .
وئاماژە وە مردن دوو تویشهاتگ دا لە رسافەی بەغداد و شار پزیشکی، و ٣٥ خاسەوبوی وەی جویرە: بەغداد/ رسافە: ٩ . نەجەف: ٢ ، بەسرە: ٥ ، بابل: ١ ، زیقار:٤ ، هەولێر:٥ ، کەرکوک:٣ ، میسان: ٣ .وتیش؛ گشت تویشهاتگەیل ژماره‌یان رەسیە ٢٦٠٣ تویشهاتگ، و خاسەوبویەیل ١٦٦١ كه‌س، و ژماره‌ی خەفتیه‌یل له‌ گشت خەسەخانەیل ‌٨٣٨ كه‌سه‌.