دوو ئاگر لە بەغداد یەکیگیان ئەفسەرێگ زەخمدار کەێد.. وینە
شەفەق نیوز/ تیمەیل وەرگیری شارستانی، ئمڕوو شەممە، دوو ئاگر کپەو کردن، یەکەمیان لە وەزیریە، و ئەوەکە لە کەرادە لە بەغداد پایتەخت.
وەڕێەوبەرایەتی وەرگری شارستانی لە بەیاننامەیگ رەسیە ئاژانس شەفەق نیوز وت: تیمەیلی رویداو ئاگر گەورەیگ لەناو سەمونخانەیگ کپەو کردن ک وە پارچەی ساندویچ پەنەڵ کریاگە ک وەزوی ئاگر سینێد، و وەگورەی رینمال بیوەیی نەگونجیاگە لە ناوچەی کەرادە.
وەڕێەوبەرایەتیەگە وتیش: تیمەیلی ئاگرەگە گیر هاوردن و نەهیشتن وەرەو بینایل شانی فراوانەو بوود، وەگەرد جیوەجیکردن کارەیل وەناوچگن، و دیاری کرد ک مەوقەی کاریان، ئەفسەریگ وە پلەی موقەدەم لەبان سەمونخانەگە کەفتە زەوی، و زەخمداری سەختیگ بوی وبریا خەسەخانە.
هەرلیوا، سەرچەوەیگ لە وەڕیەوبەرایەتیەگە ئەرا ئاژانس شەفەق نیوز وت: تیمەیل وەرگری شارستانی، ئاگریگ لەناو کەرەڤانەیل وەڕێەوبەرایەتی بەشەوکردن کارەبای بەغداد رەسافە لەناوچەی وەزیریە کپەو کردن، و دەرکەفت ک رویداوەگە وە شۆرتیگ کارەبایی بویە.
