دویەمە وەماوەی چەن ساعەتیگ لە دیالە.. خوەیکوشتن دویەتیگ لەناو ماڵەگەی
2024-07-13T11:48:34+00:00
شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا لە خوەیکوشتن دویەتیگ ناخاڵە لەناو ماڵەگەی لە شار بەعقووبە.
سەرچەوەگە ئەرا ئاژانس شەفەق نیوز وت: دویەتیگ ناخاڵە لەداڵگبوی ساڵ ٢٠٠٧، لە گەڕەک موعەلمین لە شار بەعقووبە، لەناو ماڵەگەی وە لەچک سەر خوەی دادە سێدارە.
سەرچەوەگە وتیش: هیزەیل تەرمەگەی ئەرا پزشک دادوەری ، و لێکۆڵینەوە لە رویداوەگە واز کرد.
جی باسە کە یە دویەم خوەیکوشتنە لە پارێزگای دیالە، کە دویەتیگ ناخاڵە دویای تەقەلای خوەیکوشتن تویش سزیان فرەیگ هات، ئەوەیش لەبان شکستیی لە خوەنەواری، ئەوەیش لە ناحیەی بوهرز باشوور دیالە.
