یە دویەم جارە لەماوەی چەن رووژیگ....لاوردن چەوری گیان ژنیگ لە بەغدا سینێد
2022-07-20T07:47:04+00:00
شەفەق نیوز/ ئمڕوو چوارشەممە، ژنیگ عراقی گیان لە دەسدا لەئەنجام هەڵەی پزیشکیگ لە یەکیگ لە خەسخانەیل بەغدای پایتەخت، یەیش دویەم رویداو لەی جویرەس لەماوەی چەن رووژیگ.
سەرچەوەی ئاگاداریگ وە ئاژانس شەفەق نیوز خەوەردا، " ژنیگ 38 ساڵان شەوەکی ئمڕوو گیان لە دەسدایە وە هەڵەیگ پزیشکی هەنای نەشتەرگەری جوانکاری دراوردن چەوری ئەرای کریەێد لە یەکیگ لە خەسخانەیل بەغدا.
رووژ یەکشەممەی گوزەشتە سەرچەوەیگ پزیشکی خەوەردار ئاژانس شەفەق نیوز کرد، ژنیگ 22 ساڵان لەوەر کاریگەری لاوەکی نەشتەرگەری "دراوردن چەوری" زگ لە ناو یەکیگ لە سەنتەرەیل جوانکاری لە ناوچەی غەدیر خوەرهەڵات بەغدای پایتەخت مردیە.
وتیش، باوگ ژنەگە سکاڵا دژ وە شوی ژنەگە و کارمەندەیل سەنتەرەگە توومارکردیە، چەوەری رەزامەندی دادوەرە ئەرا رێکارەیل پێویست لە وەرانوەر سەنتەرەگە و کارمەندەیلی.
