دو زه‌ويه‌له‌رزه له مه‌رزه‌يل شاريگ عراقى نزيك له ئيران روێدا
2019-11-14T08:36:51+00:00
شه‌فه‌ق نيوز/ ده‌مه‌و شه‌وه‌كى ئمڕوو دو زه‌ويه‌له‌رزه له مه‌رزه‌يل قه‌زاى خانه‌قين له نزيك مه‌رزه‌يل ئيرانى رويدا.
له‌ى باوه‌ته‌و، ده‌زگاى چه‌وديرى زه‌ويه‌له‌رزه‌ى عراقى كه‌فتنه‌وه‌ى زه‌ويه‌له‌رزه‌يگ وه‌هيز 3,2 پله‌ى ريخته‌ر تۆمار كرد له سه‌عات 4:23:51 له سۆمار له ئيران ك 33 كم دويره له باشوور خوه‌رهه‌ڵات خانه‌قين.
زه‌ويه‌له‌رزه‌ى دويه‌ميش وه‌هيز 3,1 پله‌ى ريخته‌ر بوى له سۆمار له سه‌عات 4:35:53 و يه‌يش وه دويرى 34 كم له باشوور خوه‌رهه‌ڵات خانه‌قين.
