دو زەخمدار وە تەقیان جیماگەیل جەنگی لە بەسرە

شەفەق نیوز/ فەرمانگەی تەندروسی پاریزگای بەسەرە، ئمڕوو یەکشەممە، رزگارکردن گیان دو پیاو لە تەمەن ٣٠ ساڵی راگەیان، ک کەفتنە وەر تەقیان جیماگەیل جەنگی لە پارێزگاگە.    

فەرمانگەگە لە بەیاننامیگ رەسیە ئاژانس شەفەق نیوز وت: وە رەنج پزشک و تیمەیل بەش فریاکەفتن لە خەسخانەی گشتی زوبێر، دو کەس لەتەمەن ٣٠ ساڵی رزگار کریا، ک کەفتنە وەر رۊداو تەقیان جیماگەیل جەنگی لە ناوچەی رجی سنووری،  و لەوەر ئەوە هاوریانە خەسەخانەی گشتی زوبێر، ک تۊش زەخمەیل قۊلیگ هاتۊن.  

وەرپرس بەش فریاکەفتن وتیش: وەکوتپڕ فریاکەفتنیان جیوەجی کریا، و زەخمەیلیان وە تیشک دیاری کریا، و وەتەقەلایلیگ جیاواز چارەسەریان کریا و گیانیان رزگار بۊ.