دویەتیگ لە کەرکوک باوگ خوەی کوشێد
2023-07-04T12:12:07+00:00
شەفەق نیوز/ ئمڕوو سێشەممە، لە ئاواییگ لە ناحیەی شوان، سەر وە پارێزگای کەرکوک، دویەتیگ باوگ خوەی کوشت.
عەمید شوان شوانی، وەڕێوەبەر بنکەی پولیس ناحیەی شوان، لە پارێزگای کەرکوک، ئەرا میدیایل راگەیانن وت: زانیاری رەسیە کە لە ئاوای مەرزیخە سەر وە ناحیەی شوان، دویەتیگ باوگ خوەی کوشتیە.
وتیش: ئیسە هیزەیلمان رەسینەسە شوین رویداوەگە ئەرا لێکۆڵینەوە لە باوەتەگە تا هوکارەیل ئەو رویداوە ئاشکرا بکەن.
