دویاخستن بازی کۆتایی پاڵەوانیەتی خەلیج ٢٥ تا بانگوازیگتر
2023-01-19T10:37:24+00:00
شەفەق نیوز/ یەکێتی تووپان عراق، ئمڕوو پەنجشەممە، راگەیان ک وە هەماهەنگی وەگەرد یەکێتی تووپان خەلیج، بڕیار دویاخستن بازی کۆتایی خەلیجی ٢٥ ناوبەین هەڵوژاردەی عراق و عومان دریا، ئەرا مقیەتیکردن گیان جەماوەرەگە.
فیراس بەحرولعلوم ئەندام یەکێتی تووپان عراق ئەرا ئاژانس شەفەق نیوز وت: دویای ئەو رەوش سەختە و قەرەباڵغ جەماوەر و تاسیان مەردم و مردن، وەگەرد یەکێتی خەلیج،رێک کەفتیمن لەبان دویاخستن بازیەگە تا بانگوازیگتر.
وتیش؛ یەکێتی خەلیجی دووپات لە گرنگی دویاخستن بازیەگە کرد ئەرا مقەیتیکردن گیان مەردم.
بەحرولعلوم وتیش: وەداخەو ئی بازیە دویا بخریەێد، و یە یەکەمین جارە ئی کارە لە جام خەلیجی بوود.
لەی مەوقە، عەبدولئەمیر شمەری وەزیر ناوخۆ، بەسیان دەروازەیل بازیگای جزغ نەخلە راگەیان، دویای پڕبوینی وە جەماوەر.
یەکێتی تووپان عراق، بڕیار وازکردن بازیگای مینا دا و بڵاوکردن دەیان شاشەی گەپ لە مەیدانەیل بەسرە.
