دویای کوشتارەگە.. کازمی سەردان سەڵاحەدین کەێد

موستەفا کازمی سەرۆک ئەنجومەن وەزیران فەرماندەی گشتی هێزە چەکدارەگان، ئمڕوو یەکشەممە، رەسیە پارێزگای سەڵاحەدین وەیاوەری وەزیر وەرگری و ناوخۆ و وەرپرس دەزگای حەشد شەعبی و فەرماندە ئەمنیەگان. ئی سەردانە هات لەدویای کوشتن هەیشت کەنج وەگولەواران لە لایەن چەکدارەیلیگ نەناسریاگ لە ئاوای فەرحانیە سەروە قەزای بەلەد لە سەڵاحەدین وەبی زانستن هووکارەیل و هەمیش چوار کەس بیسەروشوون بوین، وەگورەی سەرچەوەیگ ئەمنی ئەرا ئاژانس شەفەق نیوز. کازمی ،دوێەکە شەممە،  بڕیار هەواڵەکردن وەرپرسەیلیگ ئەمنی ئەرا لێکۆڵینەوە دا، لە پشت کوشتارەگەی قەزای بەلەد لە پارێزگای سەڵاحەدین، ک هەیشت گەنج وە گولەواران کوشیان و چوار کەس تر بیسەروشوون کریان. ناوەند عراقی بەڵگەکردن تاوانەیل جەنگ عراقی، توومەتبار باڵ عەسایب ئەهل حەق کرد لە پەلاماێەگە، وتیش ژمارەی قوربانیەگانیان ١٢ مەدەنیە.