دویای چەن ساعەتیگ لە بڕیاردان بوودجە.. داوەزین نرخ دۆلار لە بەغداد و هەولێر
پەیامنێر ئاژانس شەفەق نیوز وت: بۆرسەی سەرەکی کیفاح لە بەغداد پایتەخت، ئیوارەی ئمڕوو، لەبان نرخ ١٥٤٨٠٠ دینار عراقی وەرانوەر ١٠٠ دۆلار ئەمریکی دەری بەساد.
شەوەکی ئمڕوو، نرخ ١٠٠ دۆلار ئەمریکی رەسیە ١٥٦٨٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی رەسیە ١٥٥٠٠ دینار عراقی، و نرخ سەنینی رەسیە ١٥٣٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە داوەزین توومار کرد، ک نرخ فرووشتن ١٠٠ دۆلار ئەمریکی رەسیە ١٥٤٠٠٠ دینار عراقی، و نرخ سەنینی رەسیە ١٥٣٠٠٠ دینار عراقی.
ئی داوەزینە دویای ساعەتەیل کەمیگ لە بڕیاردان پڕۆژەی یاسای بوودجە ئەرا سێ ساڵ بانان وەلایەن ئەنجومەن وەزیرەیل عراق هات، ک وە نزیکەی ٢٠٠ تریلیۆن دینار بڕیار دریا، ویە گەورەترین بوودجەس لە میژوو عراق.
