دویای 13 ساڵ لە دویاترین سەردان.. ئۆردوگان سەردان بەغداد کەێد.. وینە
پەیامنێر ئاژانس شەفەق نیوز وت: محمد شیاع سودانی سەرۆکوەزیرەیل عراق، وە سەرۆکایەتی ئەو کەسەیلە بویە کە لە فڕۆکەخانەی بەغدا پیشوازی لە ئەردۆغان کردن و بڕیارە وەگەرد عەبدولەتیف ڕەشید، سەرۆک کۆمار گردەو بوود.
ئەردۆغان لە سەردانەگەی ئەرا عراق، هەریەک لە وەزیرەیل کاروبار دەرەوە هاکان فیدان، یاشار گولەر، وەزیر ناوخۆ، عەلی یەرلیکایا، وەزیر بازرگانی، ئۆمەر پۆلات، گواستنەوە، و ژیرخانی عەبدولقادر ئۆرالۆغڵو، کشتوکاڵ و دارستان ئیبراهیم یوماکلی، وزە و سامانە سروشتییەیل ئالپ ئارسلان بەیرەدار، پیشەسازی و تەکنەلۆژیا مەهمەت فاتیح کاجەر.
هەمیش فەهرەتین ئاڵتون سەرۆک بەش پەیوەندییەیل سەرۆکایەتی کۆمار تورکیا و ئاکیف چاگتای کیلیچ ڕاوێژکار سەرۆک کۆمار تورکیا ئەرا سیاسەتەیل دەیشت و ئەمنیەتی وەیاوەری سەرۆک ئەردۆغان ئامادە بوین.
بڕیارە ئەردۆغان لەی سەردان یەک رووژیە وەگەرد عەبدولەتیف ڕەشید هاوتا عراقییەگەی و محمد شیاع سودانی سەرۆکوەزیرەیل عراق لە بەغدای پایتەخت گردەو بوود.
بڕیارە ئەردۆغان کۆنگرەیگ رووژنامەوانی وەرد سەرۆکوەزیرەیل عراق بسازێد، دویاتریش زنجیرەیگ ڕێککەفتن دووانەکی ناوەین هەردوگ وڵات واژوو کەن.
دویای تەواوکردن دیدارەیلی لە بەغدای پایتەخت، سەرۆک ئەردۆغان وە یاوەری شاندەگەی وەرەو شار هەولێر لە هەرێم کوردستان چوود و وەرد وەرپرسەیل کورد گردەو بوود.
سەردانەگە لەژیر رووشنایی لەیەکنزیکبوین ستراتیجی فراوان ناوان عراق و تورکیا تیەێد دویای زنجیرەیگ دیدار باڵای ئەمنی، کە وە بەشداریی وەزیرەیل دەرەوە و وەرگری و سەرۆک دەزگای هەواڵگری و وەرپرسەیل ترەک تورکیا و عراق لە 13ی ئازار گوزەشتە لە بەغداد ئەنجام دریا.
