دویای دەیان ساڵ دووارە گورگە سیاگە دیار دەێد.. ڤیدیۆ و وێنە
شەفەق نیوز/ ئەحمەد حەمدان سکرتێر کۆمەڵەی ژینگەپارێزی لە پارێزگای موسەنا، ئمڕوو جمعە، دووپات کرد ک هاووڵاتیەیلیگ لە ناحیەی بسیە رەوانگەی دیارکەفتن گورگە سیاگە لە بیاوان پارێزگاگە کردن، ئەوەیش دویای دەیان ساڵ لە دویاترین دیاری.
حەمدان ئەرا ئاژانس شەفەق نیوز وت: وەرجە دوو رووژ گورگە سیاگە لە ناوچەی حجرە لە خوەرائاوای بسیە دەرچگ، ک خوەی لە گورگە بینەزیرەکانە لەناوچەگە، ک تویکەگەی فرەس و فرە دڕندەس.
وتیش؛ کۆمەڵەی ژینگەپارێزی لە موسەنا تەمەی کرد لاری وەیجوور چینەیلە لە گورگەیل نەکریەێد، و نەبایەد بکوشیەێد، چوونکە لە گشت دوورگەی عەرەوی بینەزیرە، و دووپات کرد ک دویاترین دیارکەفتن گورگ سیا وەرجە ٤٥ ساڵ لە بیاوانەیل عراق بویە.
حەمدان دیاری کرد ک ژینگەی راستەقینە و گونجیاگ ئیجوور گورگەیلیگ هالە ئەمریکای باکووری و کشوەر ئۆڕوپایی.
و مەزەنە کریەێد ک تەمەن ئەو گورگ دیارکەفتگە لەناوبەین سێ تا چوار ساڵ بوود، و دووپات کرد ک لە ساڵەیل گوزەیشتە هیچ کەس نەیەسەی، چوونکە بیاوانەگە گەوراس، و فرە لە دووڵ و ئەشکەفتەیل هاناوی.
