دویای تووریان ژنەگەی.. گەنجیگ عراقی خوەی کوشێد
2022-07-07T09:35:43+00:00
شەفەق نیوز/ سەرچەوەیگ ئەمنی لە پارێزگای نەینەوا، ئمڕوو پەنجشەممە، خەوەردا ک گەنجیگ لە خوەرهەڵات شار مووسڵ خوەی وەسێدارەدان کوشت، ئەوەیش دویای تووریان ژنەگەی ک ماڵەگە هیشتەجی.
سەرچەوەگە ئەرا ئاژانس شەفەق نیوز وت: پیاویگ لە ناو تەمەن سی ساڵان، لە کۆمەڵگەی نیشتەجیبوین بەنداو بادووش خوەرهەڵات مووسڵ نیشتەجییە، خوەی دا سێدارە، ئەوەیش چوینکە ژنەگەی تووریای و یە دوو هەفتەس ماڵەگە وەجی هیشتیە.
سەرچەوەگە باس گرفتەیل خیزانی و نەداری گەنجەگە کرد ک هەمیش بوینەسە هووکار خوەیکوشتنی.
