دویای پاکەوبوین تەم.. گلەوخواردن کاروانەیل ئاسمانێ لە فڕۆکەخانەی ناودەوڵەتی بەغداد
2022-12-04T09:57:02+00:00
شەفەق نیوز/ سەرچەوەیگ فڕۆکەوانی، ئمڕوو یەکشەممە، خەوەردا لە گلەوخواردن کاروانەیل ئاسمانی، دویای وسیانی لەوەر بەدی کەشوهەوا، و نەمان ئاست نووڕین، لەوەر دروسبوین تەم خەسیگ لە ئاسمان بەغداد پایتەخت.
سەرچەوەگە ئەرا ئاژانس شەفەق نیوز وت: جویلەی فڕۆکەیل لە فڕۆکەخانەی ناودەوڵەتی بەغداد گلەو خوارد، ئەوەیش دویای پاکەوبوین ۆەو تەمە ک وەرجەیە بەغداد داگیر کرد.
وەرجەیە، ئیدارەی فڕۆکەخانەی ناودەوڵەتی بەغدا، راگەیان وسیان جویلەی کاروانەیل ئاسمانی لەوەر بەدی کەشوهەوا و نەمان ئاست نووڕین لەوەر گردەوبوین بڕیگ فرە لە تەم لە ئاسمان بەغدا.
