"ده‌سكارى سياسى" په‌ڕه‌يل دوسيه‌ى ئه‌منى له‌ پاريزگايگ عراقى شيونێد

"ده‌سكارى سياسى" په‌ڕه‌يل دوسيه‌ى ئه‌منى له‌ پاريزگايگ عراقى شيونێد
2020-05-18T11:35:17+00:00

شه‌فه‌ق نيوز/ محه‌مه‌د كه‌ريم به‌لداوى ئه‌ندام له‌بان پاريزگاى سه‌ڵاحه‌دين، وشدارى دا له‌وه‌گ ده‌رئه‌نجامه‌يل خراويگ له‌بان دوسيه‌ى ئه‌منى له‌ پاريزگاگه‌  وه‌ بوونه‌ى ده‌خاڵه‌تكردن و ده‌سكارى سياسى و داوايش كرد كه‌رته‌يل ئه‌منى پته‌وتر بكريه‌ن و جموجويل سياسى ئه‌را ئه‌و كه‌رته‌يله‌ له‌ پاريزگاگه‌ بووسيه‌ێد.

به‌لداوى له‌باسيگ ئه‌را ئاژانس شه‌فه‌ق نيوز، وت: پاريزگاگه‌ جموجويل و جيوازكردن كه‌رته‌يل ئه‌منى وه‌خويه‌و ديه‌ له‌ئه‌نجام ده‌خاڵه‌تكارى له‌ ناوخوه‌يى و ده‌يشتييه‌وه‌، ك يه‌يش بويه‌سه‌ هووكار زيايبوين په‌لاماره‌يل و روێ وه‌ڕوێ بوينه‌وه‌ى تيرۆر و ريگه‌داين وه‌ پاشماوه‌يل داعش وه‌ ئازادى جموجويل بكه‌ن و كه‌رته‌يل ئه‌منى بگرنه‌ ئامانج.

جى باسه‌، به‌لداوى ئاماژه‌ وه‌ وجوود ده‌س ژيروه‌ژير كرد ك وازى وه‌ دوسيه‌ى ئه‌منى سه‌ڵاحه‌دين و دوسيه‌يل تر سياسى په‌يوه‌س ئه‌كا جوور دوسيه‌ى ئاواره‌يل و ناكووكيه‌يل عه‌شايرى، هه‌ر وه‌و خاتريشه‌ وشدارى دا له‌ به‌تاڵكردن هيزه‌يل ئه‌منى له‌ پاريزگاگه‌و جيوازكردن كه‌رته‌يل ئه‌منى ئه‌را ناوچه‌يل تر.

Shafaq Live
Shafaq Live