دزیکردن چەکداری لە ماڵیگ لە نەجەف و دەسگیرکردن بکوش وەڕیەوبەر هەواڵگری لە زیقار

شەفەق نیوز/ سەرچەوەیگ ئەمنی لە پارێزگای نەجەف، ئمڕوو پەنجشەممە، خەوەردا لە پەلاماریگ دزیکردن چەکداری لە بان ماڵیگ باشوور پارێزگاگە.

سەرچەوەگە ئەرا ئاژانس شەفەق نیوز وت: کەسەیلیگ نەناسریاگ شەفەق ئمڕوو، پەلاماریگ چەکدار لەبان ماڵیگ لە ناحیەی عەباسیە باشوور شار نەجەف جیوەجی کردن، و بایی ١٥  مەلیۆن دینار عراقی و وە مەلیۆنا تەڵا دزی کردنە.

سەرچەوەگە وتیش: تاوانکارەیل خانەوادەگە لەناو ژووریگ لە ماڵەگە گیر هاوردن، ئیجا دزی خوەیان کردنە، و وەرەو شوین نادیاریگ واینە.

هەرلیوا، ئاژانس هەواڵگری و لێکۆڵینەوەی فیدراڵی لە وەزارەت ناوخۆ، دەسگیرکردن ٦ داواکریاگ راگەیان، لەناویان توومەتباریگ وە کوشتن عەمید عەلی جەمیل عەبد وەڕیەوبەر هەواڵگری ئۆپراسیۆنەیل سۆمەر لە پارێزگای زیقار.