دراوردن نزیکەی 60 تەرم لە رویداوەگەی "مۆڵ هايبر" لە كوت
شەفەق نيوز - بەغداد / كوت
سەرچەوەیگ لە وەڕیەوبەرایەتی وەرگری شارستانی، شەوەکی ئمڕوو پەنجشەممە، خەوەردا لە دراوردن تەرمەیل نزیکەی 60 مەی لە ئەنجام هیزگردن ئاگر گەورەیگ لەناو مۆڵیگ لە شار کوت ناوەند پارێزگای واست گیانیان لەدەسدان.
سەرچەوەگە ئەرا ئاژانس شەفەق نیوز وت: تیمەیل وەرگری شارستانی و فریاکەفتن شەوەکی ئمڕوو تەرم 58 کەس لە ژن و پیاو و مناڵ دراوردن، و هیمان مینەکردن کەسەیلیگ ترەک وەردەوامە.
هیزەیل ئەمنی دەورگرد هایبر مارکێت دویای هیزگردن ئاگرگە قایم کردن.
سەرچەوەیگ ئەمنی ئەرا ئاژانس شەفەق نیوز وت: تیمەیل بەڵگەیل تاوانی دەسکردنە لێکۆڵینەوە ئەرا رەسین وە بندروس و مدووەیل هیزگردن ئەو ئاگرە کە هایبر مارکێت سزان، لەناو ریکارەیل تونیگ ئەرا نەهیشتن نزیکەوبوین لەو شوینە.
شەوەکی ئمڕوو، حکومەت ناوخوە لە پارێزگای واست کوشیان دەیان کەس لە کەلەمەی ئاگر ئەو مۆڵە لە شار کوت، و پرسەی سێ رووژ لە پارێزگاگە راگەیان
