دراوردن دەمبووسیگ لە سویەی دویەتیگ ١٢ ساڵان لە بەغداد
2023-11-06T09:50:09+00:00
شەفەق نیوز/ وەزارەت تەندروسی، ئمڕوو دووشەممە، دراوردن دەمبووسیگ لە سویەی دویەتیگ لەتەمەن ١٢ ساڵان لە بەغداد پایتەخت.
وەزارەتەگە لە بەیاننامەیگ رەسیە ئاژانس شەفەق نیوز وت: تیمیگ پزشکی لە خەسەخانەی ئیبن نفیس توەنستن دەمبووسیگ لە سویەی دویەتیگ لە تەمەن ١٢ ساڵان درارێد، کە دویەتەگە تویش تاسیان و تەنگەهەناسی سەختیگ هاتیە، چوینکە ئەو چشتە چیەسە قوڕگی ئیجا پەرد بویەسە سویەی.
وتیش: ئیسە تەندروسی دویەتەگە خاسە، دویای خەفتنی لەژیر چەودیاریکردن پزیشکی لە خەسەخانە.
