دراوردن تەرم ژن وپیاویگ لەژیر رمیاگ مەزار قەتارە ومینەی دویاترین تەرم کەن
2022-08-22T07:45:53+00:00
شەفەق نیوز/ وەڕێەوبەرایەتی وەرگری شارستانی، ئمڕوو دووشەممە، خەوەردا ک تیمەیل رزگارکردن تەرم ژنیگ وپیاویگ لە مەزار قەتارەی ئیمام عەلی لە پارێزگای کەربەلا دراوردن.
عەمید جەودەت عەبدولڕەحمان وەڕیەوبەر راگەیانن وەرگری شارستانی ئەرا ئاژانس شەفەق نیوز وت: شەوەکی ئمڕوو تەرم پیاو وژنیگ دەرکریا، وتیش: شمارەی ئەو تەرمەیلە ک دراوریانە رەسیە ٧، ومەزەنە هەس دویاترین تەرم لەژیر رمیایەگە مەنیە.
دیاری کرد ک کارەگە ئەرا زیاتر لە ٤٠ ساعەت کار وەردەوام دوی تا دڵنیا لە چووڵی شوینەگە بوود، و دیاری کرد ک ئەو تەرمە ک مەنیە مەزەنەس، و ئەوەسا کار وەردەوام بوود تا دڵنیایی لە نەمان هویچ زەخمدارییگ یا تەرمیگ پەیا بوود.
دویەکە یەکشەممە، وەزارەت تەندروسی عراق، مردن چوار کەس و دراوردن شەش کەستر لەژیر رمیاگ قەتارەی ئیمام عەلی لە کەربەلا راگەیان.
