دراوردن تەرمیگ لە فورات و سزانن ماشینیگ "لەگزیز" لە باشوور عراق
2022-09-28T11:01:38+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا لە پەیاکردن تەرم هاووڵاتییگ هاتوێدە بان ئاو فورات لەناوڕاس پارێزگاگە.
سەرچەوەگە ئەرا ئاژانس شەفەق نیوز وت: هیزیگ ئەمنی تەرم هاوڵاتییگ مەزەنە کریەێد لەناو تەمەن سی ساڵان بوود، لەبان ئاو چەم فورات لە ناوڕاس پارێزگاگە بوی، و هویچ بەڵگەیگ فەرمی وەپی نەویە، وتیش ئەرا پزشک دادوەری کلکریا.
سەرچەوەگە وتیش: کەسەیلیگ نەناسریاگ ئاگر ماشینیگ مارکەی لەگزیز مودێل ٢٠٢١ دان لە قەزای قەڵعەت سکەر، و دەزگا ئەمنیەیلە لێکۆڵینەوە لە رویداوەگە واز کردن.
