داواكارييگ ئه‌را قورتاركردن 300 رفياێ له زيندانيگ نهێنى له نزيك به‌غدا
شه‌فه‌ق نيوز/ چه‌ودير ئه‌ورومتوه‌سه‌تى ئه‌را مافه‌يل ئاده‌ميزاد و ناوه‌ند عراقى ئه‌را به‌ڵگه‌ييكردن تاوانه‌يل ئاشكراى ئه‌وه كردن گرووپه‌يليگ چه‌كدار وه‌لاى كه‌مه‌و 300 خوه‌ينيشانده‌ر له‌ى ماوه‌ى دوياخره رفاننه له مه‌يدان ته‌حرير يا نزيك له‌لى له‌وه‌خت به‌شداريكردنيان له خوه‌ينيشانداينه‌يل وه‌رده‌وام له به‌غداى پايته‌خت و خريانه‌سه زيندان نهێنى له ناوچه‌يگ كشتوكاڵى له نزيك به‌غدا.
ئه‌و سه‌رچه‌وه‌يله له به‌ياننامه‌يگ هاوبه‌ش له‌زووان يه‌كيگ له زيندانيكرياگه‌يل ك ئازاد كرياوێد وت: ئه‌و گرووپه‌يل چه‌كداره ك رفانه‌سه‌يان وه‌ل كه‌سه‌يل تر خوه‌ينيشانده‌ر له رووژ 7 ته‌شرين ديه‌م(نۆڤمبه‌ر)گوزه‌يشت, سه‌ر وه ئه‌من حه‌شد شه‌عبى بوينه‌و ئه‌وانه كاروبار زيندانه نهێنيه‌گه ئه‌وه‌نه ڕييه‌و ك كه‌فته‌سه نزيك ناوچه‌يگ كشتوكاڵى ناسرياێ وه‌ناو ( سه‌ريع دۆره - به‌غدا) ك باره‌گاى كويه‌ن يه‌كيگ له فه‌سيله‌يل چه‌كدار بويه.
جى باسه، ئه‌و سه‌رچه‌وه‌يله له كووتايى به‌ياننامه‌گه‌يان داوا له حكومه‌ت عراقى و په‌رله‌مان ئه‌كه‌ن په‌له بكه‌ن ئه‌را قورتاركردن ئه‌و رفياگه‌يله‌و كاريگ بكريه‌ێد واز له گرتن زووره‌ملى مه‌ده‌نيه‌يل باريه‌ێد.
