داوەزین گەورایگ لە فرووشتنەیل بانک ناوەندی عراقی لە پارەی گران

شەفەق نیوز/فرووشتنەیل بانک ناوەندی عراقی لە پارەی گران، ئمڕوو یەکشەممە، داوەزیا تا ١٣ ملیۆن دۆلار ئەمریکی تۆمار بکەێد.

پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن پارە بیگانەکان ئمڕوو، داوەزین گەورایگ لە فرووشتنەکانی وەڕێژەی ٨٣،٣٣٪ وەخوەی دی، تا بڕەسێدە ١٣ مەلیۆن و ٨٢ هەزار دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد رووژ پەنجشەممەی گوزەیشتە ک فرووشتنەکانی رەسیە ٧٨ مەلیۆن و ٤١٨ هەزار دۆلار.

وتیش؛ گشت فرووشتنەکان ئەرا پاڵپشتی بنمایەکان لە دەیشت وەشیوەی هەواڵە و چەک چگن، وهیچیگ وە شیوەی کاش نەسەنیا.

پەیامنێرەگەمان ئاماژە کرد ک ٣ بانک داواکاریەیل پاڵپشتی بنمایەکان لە دەیشت جیوەجی کردن.