داوەزین گەورەیگ نرخ تەڵا لە بازارەیل بەغدا و هەولێر

شەفەق نیوز/ نرخ تەڵای بیگانە و عراقی لە بازاڕە بەغداد پایتەخت، و هەولێر پایتەخت هەرێم کوردستان، ئمڕوو یەکشەممە 26 ئەیلوول 2022، داوەزی.

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 335 هەزار دینار، و نرخ سەنینی رەسیە 331 هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی داوەزین توومار کرد لەپای 305 هەزار دینار، و نرخ سەنینی رەسیە 301 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 335 هەزار دینار و 345 هەزار دینار، و نرخ فرووشتن یەک مسقاڵ تەڵای عراقی ها ناونی 305 هەزار دینار و 315 هەزار دینار.

نرخ تەڵا لە بازاڕەیل هەولێر داوەزی، ک نرخ فرووشتنی وەیجویرە بوی:

یەک مسقاڵ عەیار 24 وە 387،000

یەک مسقاڵ عەیار 21 وە 347،000

یەک مسقاڵ عەیار 18 وە 294،000.