داوەزین گەورەیگ لە نرخ دۆلار لە بەغداد
2022-02-19T07:57:05+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، وەشیوەی گەورەیگ داوەزیا، ئەوەیش وەرجە گردەوبۊن ئەنجومەن نۊنەرەیل عراق وەگەرد ئەیاد عەلاوی وەزیر دارایی، و موستەفا غالیب پارێزگار بانک ناوەندی عراق، ئەرا باسکردن لە نرخ خەرجکردن.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی لە بۆرسەی کیفاح و حارسیە لە بەغداد پایتەخت، رەسیە ١٤٦٥٠٠ دینار.
رووژ پەنجشەممەی گوزەشتە، نرخ دۆلار رەسیە ١٤٧٩٠٠ دینار عراقی وەرانوەر ١٠٠ دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد داوەزیا، ک نرخ فرووشتن رەسیە ١٤٧٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٦٠٠٠ دینار.
